Hələ baxışların yaman körpədir
İnkişaf edəcək,çiçəkləyəcək
Bir az səbirli ol,təlaşın nədir?
Hələ oturacaq,iməkləyəcək
Ayaq açanacan,yeriyənəcən
Səni arxasınca sürüyəcək e
Niyə narahatsan?Anlamıram mən
Qoy bir az böyüsün,yeriyəcək e
Laldı baxışların,danışmır hələ
Danışsın,səninlə deyərik belə:
Görəsən bu nə vaxt kiriyəcək e…
Evdəyəm
Əlimdə qələm
Nə yazacağımı bilmirəm
Amma yazmaq istəyirəm
Məcburiyyətdən deyil
Sadəcə ürəyimdə sözlər,
Beynimdə fikirlər yığılıb qalıb
Ən çox da beynimi yoran sənsən
Bilmirəm kimsən
Amma sevirəm səni
Heç varlığından da xəbərim yoxdu
Üzünü görsəm tanımaram
Bilmirəm səni heç görnüşəm ya yox
Bəlkə də yanımdasan
Hər gün görürəm səni
Ay zalımın qızı,bilmirəm kimsən
Amma sevirəm səni
Deyirlər ki,
Adamı cərəyan vuranda ölür
Bədən dözmür 220 Volt gərginliyə
Kiməsə vurulmaq da elədir
Bədəndən cərəyan keçir
Gərginlik çox olur
Bəlkə də 500 Volt
Maraqlıdır
Bu gərginlik insanı dağıtmır
Öldürmür,əzmir
Halbuki adi vaxtda bədən
220 Volt gərginliyə dözmür
Dediyinə görə
Bütün şeirlərimi bəyənirsən
Deyirsən ki:
Hərəsinin ayrı yeri var məndə
Hamısı sənə yazılıb
Bəyənərsən də…
Saat 10-a qalıb
10 tamamda görüşməliyik səninlə
Baxıram saata
Sanki əqrəblər sözləşiblər
Balacası 10-un,
Böyüyü 12-in üzərinə gəlmək bilmir
Nə edəcəyimi bilmədim
Səbrim çatmadı
Saatı özüm çəkdim
Oldu 10 tamam
Amma bir şey dəyişmədi
Yenə sən gəlmədin…
Sevgi bitdi
Sən də itdin
Hara getdin
Yox xəbərim
Sevgi dərin
Arzu şirin
Xəyallar xoş
Dayanma boş
Ey ürək,coş
Bacarsan vur
Külək,sovur
Ürək qovur
Külək qaçır
Mələk uçur
Sevgi saçır
Ən əvvəl sən
Bəri gəl sən
Nə gözəlsən
Danışım mən
Desən nədən
O sevgidən
Bir yelpik hör
Sevgimi gör
Mənə də ver
Gərək görməyəydim
Buralara yenidən qayıtmağını
Gərək görməyəydim
Küləyin saçlarını dağıtmağını
Külək bacardı
Saçlarını rəqs etdirməyi
Hələ heç vaxt
Görməmişdim belə rəqs
Hər ikisi oynayırdı
Gülə-gülə rəqs
Hər ikisi xoşbəxt idi
Asanca görmək olardı
Küləyin üzündəki işığı
Küləyin nurunu
Çünki artıq tapmışdı
O öz partnyorunu
Yenə sənsiz qaldı bu ürək niyə?
Yəqin ürəyimin çox günahı var
Qəlbimdə yerin var hər an.Qəlbimin
Düşünmə tam başqa bir pənahı var
Sən əgər yanımda olsan bu ürək
Səni axtarmağa çalışmaz axı
Getsən həsrət,hicran bir yana qalsın
Mənə sənsiz qalmaq yaraşmaz axı
Biz nəyik səninlə?Heç anlamıram
Sevgili,yoxsa dost?Bəlkə də qohum
Yaman düşünürəm,həyatda varam?
Girirsən yuxuma,qarışır yuxum
Gecəylə gündüzün fərqi yox mənə
Hər zaman mən səni düşünürəm tək
Sən yaxın olursan bəzən çox mənə
Bəzən çox uzaqsan dayanmır ürək
Yanımda olanda uzaq kimisən
Əllərim əlinə toxunur,ancaq
Əbədi deyilsən qonaq kimisən
Bir gün getməlidi deyirsən qonaq
Nə deyim.Özün bil.Sənindir qərar
Həyatda ən şirin gülüb sevməkdir
“Gedirəm”deyirsən,getməyə nə var?
Çətini getməyib,qalıb sevməkdir
Çoxdurmu məhəbbətin?
Bu sual oldu çətin
Danışanda söhbətin,
Sözün olaram sənin
Hara getsəm bağırım
Mən səni də çağırım
Yol gedəndə cığırın,
İzin olaram sənin
Sözü üzə deyərsən
Min gözələ dəyərsən
4 səhv etsən əgər sən
Düzün olaram sənin
Güləndə sənlə gülən
Öləndə sənlə ölən
Hər şeyi görə bilən
Gözün olaram sənin
Gəl sən unut məni də
Kədəri də,qəmi də
Sən üzəndə gəmidə
Dənizin olaram sənin
