Mirfarid's Blog

Körpə

mirfarid — Tue, 22 Dec 2009 19:25:16 +0000

Hələ baxışların yaman körpədir

İnkişaf edəcək,çiçəkləyəcək

Bir az səbirli ol,təlaşın nədir?

Hələ oturacaq,iməkləyəcək

Ayaq açanacan,yeriyənəcən

Səni arxasınca sürüyəcək e

Niyə narahatsan?Anlamıram mən

Qoy bir az böyüsün,yeriyəcək e

Laldı baxışların,danışmır hələ

Danışsın,səninlə deyərik belə:

Görəsən bu nə vaxt kiriyəcək e…

Böyük sevgi

mirfarid — Fri, 11 Dec 2009 17:15:32 +0000

Evdəyəm

Əlimdə qələm

Nə yazacağımı bilmirəm

Amma yazmaq istəyirəm

Məcburiyyətdən deyil

Sadəcə ürəyimdə sözlər,

Beynimdə fikirlər yığılıb qalıb

Ən çox da beynimi yoran sənsən

Bilmirəm kimsən

Amma sevirəm səni

Heç varlığından da xəbərim yoxdu

Üzünü görsəm tanımaram

Bilmirəm səni heç görnüşəm ya yox

Bəlkə də yanımdasan

Hər gün görürəm səni

Ay zalımın qızı,bilmirəm kimsən

Amma sevirəm səni

Cərəyan

mirfarid — Fri, 11 Dec 2009 17:09:17 +0000

Deyirlər ki,

Adamı cərəyan vuranda ölür

Bədən dözmür 220 Volt gərginliyə

Kiməsə vurulmaq da elədir

Bədəndən cərəyan keçir

Gərginlik çox olur

Bəlkə də 500 Volt

Maraqlıdır

Bu gərginlik insanı dağıtmır

Öldürmür,əzmir

Halbuki adi vaxtda bədən

220 Volt gərginliyə dözmür

Dediyinə görə

mirfarid — Mon, 30 Nov 2009 20:34:25 +0000

Dediyinə görə

Bütün şeirlərimi bəyənirsən

Deyirsən ki:

Hərəsinin ayrı yeri var məndə

Hamısı sənə yazılıb

Bəyənərsən də…

Saat

mirfarid — Tue, 17 Nov 2009 19:36:36 +0000

Saat 10-a qalıb

10 tamamda görüşməliyik səninlə

Baxıram saata

Sanki əqrəblər sözləşiblər

Balacası 10-un,

Böyüyü 12-in üzərinə gəlmək bilmir

Nə edəcəyimi bilmədim

Səbrim çatmadı

Saatı özüm çəkdim

Oldu 10 tamam

Amma bir şey dəyişmədi

Yenə sən gəlmədin…

Yelpik

mirfarid — Tue, 17 Nov 2009 19:09:48 +0000

Sevgi bitdi

Sən də itdin

Hara getdin

Yox xəbərim

Sevgi dərin

Arzu şirin

Xəyallar xoş

Dayanma boş

Ey ürək,coş

Bacarsan vur

Külək,sovur

Ürək qovur

Külək qaçır

Mələk uçur

Sevgi saçır

Ən əvvəl sən

Bəri gəl sən

Nə gözəlsən

Danışım mən

Desən nədən

O sevgidən

Bir yelpik hör

Sevgimi gör

Mənə də ver

Rəqs

mirfarid — Tue, 17 Nov 2009 19:08:09 +0000

Gərək görməyəydim

Buralara yenidən qayıtmağını

Gərək görməyəydim

Küləyin saçlarını dağıtmağını

Külək bacardı

Saçlarını rəqs etdirməyi

Hələ heç vaxt

Görməmişdim belə rəqs

Hər ikisi oynayırdı

Gülə-gülə rəqs

Hər ikisi xoşbəxt idi

Asanca görmək olardı

Küləyin üzündəki işığı

Küləyin nurunu

Çünki artıq tapmışdı

O öz partnyorunu

Yenə sənsiz

mirfarid — Tue, 17 Nov 2009 19:05:04 +0000

Yenə sənsiz qaldı bu ürək niyə?

Yəqin ürəyimin çox günahı var

Qəlbimdə yerin var hər an.Qəlbimin

Düşünmə tam başqa bir pənahı var

Sən əgər yanımda olsan bu ürək

Səni axtarmağa çalışmaz axı

Getsən həsrət,hicran bir yana qalsın

Mənə sənsiz qalmaq yaraşmaz axı

Biz nəyik səninlə?

mirfarid — Tue, 17 Nov 2009 19:02:56 +0000

Biz nəyik səninlə?Heç anlamıram

Sevgili,yoxsa dost?Bəlkə də qohum

Yaman düşünürəm,həyatda varam?

Girirsən yuxuma,qarışır yuxum

Gecəylə gündüzün fərqi yox mənə

Hər zaman mən səni düşünürəm tək

Sən yaxın olursan bəzən çox mənə

Bəzən çox uzaqsan dayanmır ürək

Yanımda olanda uzaq kimisən

Əllərim əlinə toxunur,ancaq

Əbədi deyilsən qonaq kimisən

Bir gün getməlidi deyirsən qonaq

Nə deyim.Özün bil.Sənindir qərar

Həyatda ən şirin gülüb sevməkdir

“Gedirəm”deyirsən,getməyə nə var?

Çətini getməyib,qalıb sevməkdir

Gəmi

mirfarid — Tue, 17 Nov 2009 18:55:35 +0000

Çoxdurmu məhəbbətin?

Bu sual oldu çətin

Danışanda söhbətin,

Sözün olaram sənin

Hara getsəm bağırım

Mən səni də çağırım

Yol gedəndə cığırın,

İzin olaram sənin

Sözü üzə deyərsən

Min gözələ dəyərsən

4 səhv etsən əgər sən

Düzün olaram sənin

Güləndə sənlə gülən

Öləndə sənlə ölən

Hər şeyi görə bilən

Gözün olaram sənin

Gəl sən unut məni də

Kədəri də,qəmi də

Sən üzəndə gəmidə

Dənizin olaram sənin